Design Patterns in PHP


نبدا بقى فى سلسلة ال Design Pattern 
و نقول بسم الله الرحمن الرحيم

انهارده حقول تعريفه بس و هنمسك كل فترة نوع من ال Design Pattern و نتكلم عليه ليه استخدمه و امتى استخدمه و ازاى استخدمه 
دول هيكونوا ال 3 حاجات اللى هنعتمد عليهم ف كل نوع نتعلمه

طيب هو ايه اصلا بقى ال Design Pattern دا ؟
بص يا سيدى احنا لما بنيجى نبنى المشروع ﻻزم كدا نستخدم الديزاين باترن و احنا بنكتب الكود هيسهل عليا جدا و ازاى اتحكم ف الكود و ال Debug و كدا
و حيسهل ع اى مبرمج يشتغل بعدى يفهم الكود بسهوله و الدنيا ماشية ازاى

و هتلاقى اى فريم ورك فى الدنيا بيستخدم الديزاين باترن فا انت لما تبدء تشتغل بى فريم ورك و تكتب الكود حتحتاج تكتب بى انواع من الديزاين باترن حسب اللى انت محتاجه سعتها

طب هما عملوا ليه يعنى ؟ 🤔🤔
عشان المشاكل اللى بتتكرر كتير فا هو يعتبر احسن طريقة لحل مشكلة معينة بتواجه المبرمج فا بقوا يخترعولها ديزاين باترن

Predictability:
تحكم ف الكود اسهل و Debug اسرع
Reduce Cost:
اقل تكلفة و جهد ف الكود و مش عك و كله ف بعضه كدا
Reusable
بقدر استخدم الكود فى اى مشروع تانى محتاج الكود دا و اعدل عليه برحتى بقى
Scalability
اقدر ازود Features برحتى انقص برحتى مش اروح اصلح حتى تضرب فى حتى و اقلب سمكرى عمال يمحر ف الكود و خلاص 😂😂

لحد كده حلو و عرفنه شويه حاجات خفيفة نكمل بقى 😂

ال Design patterns بتتقسم ل 3 اقسام
1- Creational Patterns:
دا بيسمح بانك تنشئ ال Object منغير ما تحدد نوع ال Class
فى انواع بتخليك تنشئ Object بسهولة
بتحط حدود مين ينشئ ال object و ازاى و امتى

ايه ياعم الكلام الغريب دا 

خلاص خلاص مش ﻻزم ندخل ف تفاصيل دقيقة دلوقتى 😂😂

المهم من انواعه
-Abstract Factory
-Builder
-Factory Method
-Prototype
-Singleton

2- Structural Patterns:
بيهتم بتركيبة ال classes و ال inheritance بدون دخول ف تفصيل دلوقتى
من انواعه
-Adapter
-Bridge
-Composite
-Decorator
-Facade
-Flyweight
-Proxy

3- Behavioral Patterns:
بيهتم بالتحديد بالتواصل و العلاقات بين ال Objects
من انواعه
-Chain of responsibility
-Command
-Interpreter
-Iterator
-Mediator
-Memento
-Null Object
-Observer
-State
-Strategy
-Template method
-Visitor
و فى حاجات تانية بقى مهم نعرفها زى
-Dependency injection
-Lazy loading
-Mock object
-Null object
-Object pool
-Servant
-Type tunnel

تقريبا كدا عرفنا شوية حاجات حلوة عن ايه هو ال Design Pattern
شير بقى لو استفدت اى حاجة من الكلام الكتير دا 
و استنوا نبدء بقى المرة الجاية ناخد اول نوع و اعتقد حيكون Factory

المصدر بقى لو حد حابب يقرا تفاصيل اكتر
https://php.earth/doc/oop/design-patterns
https://sourcemaking.com/design_patterns
phptherightway.com/#design_patterns
و كتاب head first design patterns

تعليقات

إرسال تعليق

المشاركات الشائعة من هذه المدونة

Singleton Desgin pattern

صورة
تانى ديزاين باتنر هنتكلم عنه انهارده هو Singleton Design Pattern هو عباره عن كلاس بيتاخد منه Only one instance request lifecycle in a web application يعنى مش بقدر اخد منه New Object (); ﻻ هو مرة باخد منه instance واحد بس يقدر اى component يستخدمها و فى نفس الوقت متبقاش متخزنة فى global varibale عشان avoid collision يعنى لو حطيت package فيها global varibale بنفس الاسم فا سعتها حيحصل مشاكل ايه دا ؟ طب ليه كدا يعنى ؟  :D تخيل معايا عندك مثلا كلاس بيـ connect مع داتا بيز كل مرة بتـ create منه object فى اكتر من مكان بقى تخيل كدا معايا عدد ال connection identical اللى حتتـ create فى ال داتا بيز سيرفير ؟؟  :D فا مشكة كبيرة كدا  🤔 🤔 طب مثلا عندك كلاس بيحتوى ع اعدادات مثلا كلاس settings انت مش محتاج كذا instance منه هو مرة واحده بس بتنادى عليه ف اى مكان يعنى هتستخدمه كا Database connector Logger lock file Settings Proritate Config او اى مثال بقى حسب ال Application بتاعك المهم تكون فهمت فكرته بس طيب و دا بيتعمل ازاى بقى ؟؟  🤨 🤨 بص يا سيدى دا كلاس عادى جدا زى اى كل...
قراءة المزيد

Chain of Responsibility Design pattern

صورة
انهارده حتكلم عن Design pattern شيق جدا و ممتع جدا جدا 🤗 🤗 و هو Chain of Responsibility 😍 😍 نـ صل ع النبى و نبدء بسم الله امتى بستخدم ال Chain of Responsibility بستخدمه لما احب اخلى اكتر من object يهندل request بمعنى عندى اكتر من اوبيجكت بتعامل معاهم لو فى واحد ما هندلش الريكوست بتاعى بخليه يدخل على الاوبجيكت اللى بعده لوحده Use when you want to give more than one object a chance to handle a request. من عيوبه انك مش بتعرف تعمله debug فى ال run time Hard to observe the run time characteristics and debug ممكن نقرا عن المميزات و العيوب اكتر هنا https://miafish.wordpress.com/2014/12/31/chain-of-responsibility-pros-and-cons/ طيب بيشتغل ازاى بقى الديزاين باترن دا هو بسيط بس محتاج شوية تركيز مش اكتر دا مثال بسيط جدا بيقولك لو انت خارج من البيت مثلا و فى شوية حاجات بتعملها زى مثلا انك تتاكد ان المعاد مظبوط انك قفلت النور و انك قفلت الباب دول 3 مهام اهم لازم تعملهم عشان تنزل فا انت بتعمل الديزان باترن دا عبارة عن abstract ...
قراءة المزيد

Factory Design Pattern

صورة
انهارده حنبدء ف اول ديزاين باترن و هو ال Factory و زى ما قولنا هنمسك ف كل ديزاين باترن انا حستخدمه ليه حينفعنى فى ايه و ازاى طيب هو مبدئياً كدا الاول عايز اوضح حاجة بس فى حاجة اسمها simple factory method و ال factory design pattern و طبعا فى اختلاف و اكتر ال Developers بيقعوا ف الحتة دى و فكرين ان ال simple factory هو دا الديزاين باترن لكن ﻻ دا يعتبر Programing idiom ونا كنت واحد من الناس دى لحد ما قريت و فهمت الفرق و ححاول اوضحه دلوقتى طيب ايه بقى هو ال factory دا يا عم مروان هو يا سيدى المفروض انه Interface بس مش بتاع ال oop ﻻ هو زى عقد كدا كلاس بيكون اب لكلاسات حوضح النقطة دى قدام المهم هو انك تعرف Interface تقدر عن طريقة تـ create objects بس تخلى ال SubClasses هى اللى تحدد انهى كلاس هيتعمل منه instantiations هو اكيد مش واضح طبعا طيب تعالى كدا نكمل الاول بس و هفهمك تانى فوايده انه بيكريت ال object من ال factory و دا بيكون اسهل من انك كل شوية تعمل new object فى اماكن كتير نفترض عايز تغير اسم الكلاس ؟ هتروح تغيره ف كل الاماكن اللى عامل منها new object ؟ انما كدا هتغي...
قراءة المزيد